Dumating na sa Laos si Pangulong Rodrigo Duterte para sa 28th at 29th Association of Southeast Asian Nations (ASEAN) summits.
Lumapag ang chartered Philippine Airlines flight na sinakyan ni Pangulong Duterte kasama ang kaniyang 30-member na delegasyon sa Wattay International Airport dakong alas-7:20 ng gabi doon o 8:20 ng gabi dito sa Pilipinas.
Dumiretso agad sila sa Feungfar Convention Hall para harapin ang Filipino community.
Bukod sa kaniyang security team, kasama ng pangulo sina Defense Sec. Delfin Lorenzana, Foreign Affairs Sec. Perfecto Yasay Jr., Finance Sec. Carlos Dominguez III, Trade Sec. Ramon Lopez at Social Welfare Sec. Judy Taguiwalo.
Kasama rin niya sa Laos sina Presidential Communications Sec. Martin Andanar, Presidential spokesperson Ernesto Abella at Sen. Alan Peter Cayetano.
Ang pagdalo ni Duterte sa ASEAN summit ay ang kauna-unahang international conference na dadaluhan niya bilang pangulo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.