Davao City Government, naglabas ng P2M reward para maresolba ang Davao bombing
Naglabas ng dalawang milyong pisong reward si Davao City Mayor Sara Duterte para sa ikareresolba ng naganap na pagpapasabog sa night market sa Davao City.
Ayon kay Mayor Sara Duterte, P1 milyon na reward ang ibibigay sa sinomang makapagbibigay ng impormasyon sa kinaroroonan ng suspek, habang P1 milyon din ang ibibigay sa makapagtuturn-over ng suspek sa mga otoridad.
Inihayag ng alkalde ang nasabing impormasyon matapos itong bumisita ngayong umaga sa burol ng isa sa mga nasawi sa pambobomba.
Binisita ni Mayor Sara ang burol ng nurse na si Kristia Gaile Binson sa Cosmopolitan Funeral Homes.
Ang 27-anyos na nurse ay isa sa labingapat na nasawi sa pambobomba sa Roxas Night Market.
Naging private nurse ni Mayor Sara si Binson.
Sa kaniyang pahayag tiniyak ni Mayor Sara na sagot ng city government ng Davao ang lahat ng gastusin ng mga biktima sa pagsabog.
Hiniling din nito sa taumbayan na magka-isa sa pagdarasal para sa mga biktima at magkaisa laban sa mga teroristang grupo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.