Mga namatay at sugatan sa Davao blast isa isang binisita ni Duterte
Personal na binisita ni Pangulong Rodrigo Duterte ang mga biktima ng pagsabog kagabi sa Davao City.
Tiniyak ng pangulo na mabibigyan ng tulong ang mga sugatan hanggang sa sila’y gumaling samantalang sasagutin naman ng pamahalaan ang lamay at libing ng mga namatay.
Binigyang-diin din ni Duterte na mananagot sa batas ang mga nasa likod ng pag-atake na nauna nang inako ng Abu Sayyaf Group.
Pati ang mga bangkay ng mga namatay ay isa isang inikot ng pangulo kasabay ng paghahatid ng pakikiramay sa mga kaanak ng mga napaslang sa naganap na pambobomba.
Kaninang madaling araw ay isinailalim ng pangulo sa State of Lawlessness ang buong bansa kung saan ay magpapatupad ng mga dagdag na checkpoints ang militar at pulisya para matiyak ang kaligtasan ng publiko.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.