Sasakyan pinagbabaril sa Caloocan, tatlo ang patay
Patay ang driver at dalawang sasakay ng isang Nissan Frontier Navara matapos itong paulanan ng bala ng mga hindi nakilalang salarin sa Camarin, Caloocan.
Ayon sa mga residente sa Barangay 178, Pili Street, Camarin, alas 3:30 ng madaling araw ng Biyernes nang makarinig sila ng magkakasunod na putok ng baril.
Nang lumabas ang mga residente, nakita nila ang kulay maroon na Frontier Navara na may plakang NUI 501 na tadtad ng tama ng bala ng baril.
Ayon sa mga tauhan ng SOCO na rumesponde sa lugar, wala silang nakuhang ID mula sa mga nasawing sakay ng Navara at wala ding nakuhang armas sa loob ng sasakyan.
Aalamin pa kung mayroong CCTV sa lugar para matukoy ang pagkakakilanlan ng mga suspek.
JUST IN: Sasakyan, pinagbabaril sa Camarin, Caloocan; tatlong sakay nito ang patay | @jongmanlapaz pic.twitter.com/umPfADKgKo
— RadyoInquirer990AM (@dzIQ990) September 1, 2016
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.