Aguirre: Hindi namin pinilit na tumestigo ang ilang dating tauhan ni de Lima
Nilinaw ni Justice Sec. Vitaliano Aguirre III na hindi nila pinilit ang dalawang dating tauhan ni Sen. Leila de Lima na naglabas ng kanilang affidavit laban sa mambabatas.
Sa kanilang sworn affidavits, sinabi nina Jonathan “Jong” Caranto at Edna “Bogs” Obuyes na sila ay ilang beses na initusan ni de Lima noong siya’y nasa kalihim pa ng DOJ para magdeposito ng pera sa bank account ni Ronnie Dayan.
Si Dayan ay nauna nang pinangalanan ni Pangulong Rodrigo Duterte bilang driver, bodyguard at umano’y lover ni de Lima.
Sinabi pa ng kalihim na malaking halaga rin ang tinatanggap nina Caranto at Obuyes mula kay de Lima.
Ipinaliwanag pa ng opisyal na mayroon silang mga hawak na patunay na lalo pang magdidiin kay de Lima sa pagkakasangkot nito sa illegal drugs.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.