Hindi bababa sa dalawampung mga hinihinalang drug pushers at users ang naaresto ng pinag-samang pwersa ng Philippine Drug enforcement Agency at Quezon City Police District Office sa tatlong drug den sa Mc.Arthur st. malapit sa kanto ng Luzon Ave. sa Brgy. Pasong Tamo, Quezon City.
Pinangalanan ni PDEA-NCR Director Wilkins Villanueva ang mga nahuli na sina alyas Michael, alyas Baby at alyas Bunang, habang hinahanap pa ang isa pa sa target ng operasyon na si alyas Betchay.
Narekober sa mga nasabing drug den ay hindi pa malamang dami ng shabu at mga drug parapenalia.
Ayon kay villanueva, ang drug raid ay bunga ng kanilang isang buwang surveilance sa lugar na inerereklamo ng mga residente dahil sa talamak na bentahan at paggamit ng droga.
Sumama rin sa nasabing operasyon si QCPD Director Guillermo Elleazar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.