Camarines Norte governor, suspendido dahil sa sex tape scandal
Anim na buwang suspensyon ang ipinataw ng Office of the Ombudsman kay Camarines Norte Gov. Edgardo Tallado dahil sa kahiya-hiya at imoral na kaniyang nagawa.
Ito ay may kaugnayan sa sex tape niya kasama ang kaniyang kabit na kalaguyong babae sa internet.
Sa desisyon na pinirmahan ni Ombudsman Conchita Carpio-Morales, nahatulang guilty sa kasong administratibo na “disgraceful and immoral conduct.”
Inatasan na ng Ombudsman si Interior Secretary Mike Sueno na ipatupad ang nasabing suspension order.
Nag-simula ang scandal nang mawala ng 15-araw ang kaniyang asawang si Josie, at isiniwalat ang nasabing sex tape pagbalik niya.
Unang humingi ng tulong si Tallardo sa mga otoridad para mahanap ang kaniyang misis na aniya’y ipinagmaneho ang kaniyang staff patungo sa kanilang bahay bago sila parehong nawala October 17 ng nakaraang taon.
Nang bumalik si Josie Tallado, sinabi niyang tumakas siya sa kaniyang asawa na ikinulong siya sa bahay at pinutulan siya ng lahat linya ng komunikasyon matapos niyang madiskubre ang tungkol sa sex video.
Humingi na ng tawad noon ang gobernador at umapela sa kaniyang mga kalaban na huwag nang gamitin laban sa kaniya dahil wala naman itong kinalaman sa kaniyang trabaho.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.