Chinese national nahulihan ng mga skimming devices sa NAIA
Isang Chinese national ang inaresto ng mga ahente ng Bureau of Customs kaninang alas otso ng umaga matapos na mahulihan ng iligal na kontrabando sa Ninoy Aquino International Airport Terminal 2.
Kinilala ni Customs Enforcement Division Deputy Commissioner Arnel Alcaraz ang suspek na si Hu Hong Cheng na galing sa Guanzhou China sakay ng Philippine Airlines flight PR 383.
Kinumpiska mula sa suspek ang 37 mga kahon na naglalaman ng assorted na kontrabando.
Kabilang dito ay mga skimming devices, iba’t ibang credit cards, mga official Chinese documents at mga gamit sa forgery o pamemeke.
Kaugnay nito, sinabi ni Alcaraz na balak nilang makikipag ugnayan sa Chinese Embassy dahil may mga nakuha sa suspek na Chinese marriage certificate at iba pang opisyal na dokumento ng pamahalaang China.
Balak din nilang iturn-over ang suspek sa Pasay City Presucutors Office para masampahan ng kaso kabilang ang paglabag sa Republic Act 8484 o Access Devices Regulation Act of 1998 o ang batas kontra sa panloloko gamit ang mga credit cards.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.