Sugatan ang isang drug pusher matapos manlaban sa mga operatibang nagsasagawa ng buy bust operation sa Park 2 Country Homes, Barangay Silangan, Quezon City.
Kinilala ang suspek na si Salvador Lucasia alyas Bong, na kilala sa pagiging tulak ng droga sa naturang lugar.
Kasama din sa drug watchlist si Lucasia ng QCPD Station 6 na nakakasakop sa lugar.
Ayon sa paunang imbestigasyon ng magpakilala ang pulis na nagpanggap na bibili ng ilegal na droga ay agad na bumunot ng baril ang suspek.
Pinaputukan ni Lucasia ang mga operatiba ngunit maswerteng hindi tamaan ang nasabing pulis kaya nakaganti ng putok ito sa suspek.
Narekober mula sa lugar ang marked money, 2 sachet ng shabu, 1 caliber 45 pistol na may kasamang magasin at mga bala.
Dinala naman agad sa pinakamalapit na ospital ang suspek dahil sa tama ng baril.