Zambales, Bataan, Metro Manila at iba pang lalawigan, magdamag na inulan
Magdamag na nakaranas ng malakas na pag-ulan ang lalawigan ng Zambales at Bataan dahil sa epekto ng Habagat.
Nagtaas pa ng orange warning level ang PAGASA sa dalawang lalawigan, Lunes ng madaling araw dahil sa naranasang tuloy-tuloy na pag-ulan.
Ala una ng madaling araw nang itaas naman ng PAGASA ang yellow warning level sa Metro Manila partikular sa Caloocan, Malabobn, Navotas, Valenzuela, Quezon City at Maynila, at ang mga lalawigan ng Tarlac, Bulacan at Pampanga.
Ayon sa PAGASA, apektado ng Habagat ang western section ng Luzon.
Partikular na uulanin ngayong araw ang rehiyon ng Ilocos, Cordillera at Central Luzon.
Makararanas naman ng maulap na papawirin na mayroong mahina hanggang katamtamang pag-ulan ang Metro Manila, nalalabing bahagi ng Luzon at ang Visayas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.