Atom Araullo, kinumpirma ang pagre-resign bilang news reporter ng ABS-CBN
Nagsalita na si Atom Araullo matapos lumutang ang balita na nagbitiw na siya bilang news reporter ng ABS-CBN.
Sa Facebook post ni Atom, sinabi nito na ilang linggo na ang nakalilipas nang mag-resign siya sa kanyang trabaho bilang mamamahayag ng nasabing TV network.
Bagaman nag-resign na, sinabi naman ni Atom na mananatili pa rin siyang anchor sa kanyang mga programa sa ABS CBN.
Nilinaw din ng ABS CBN news anchor na walang kinalaman ang kanyang ‘political views’ sa naging desisyon nito.
Ang kanyang pagbibitiw aniya ay bunsod ng pagnanais nito na palawakin pa ang mga kaalaman bilang isang journalist.
Binigyan diin naman ni Atom na bilang isang journalist, dapat ay naninindigan para sa katotohanan.
Bilang miyembro aniya ng media, nararapat din na maging transparent at bukas sa anumang kritisismo na matatangap mula sa publiko.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.