2 PNP officials na sabit sa droga kakasuhan na ng Napolcom
Nakahanda na ang National Police Commission (Napolcom) na sampahan ng mga kaso ang dalawang police generals na nauna ng pinangalanan ni Pangulong Rodrigo Duterte sa kanyang narco list.
Ayon kay Atty. Johnson Reyes, ng Inspection, Monitoring and Investigation Service ng Napolcom, kinasuhan na sina dating National Capital Regional Police Office (NCRPO) Director C/Supt. Joel Pagdilao at dating Quezon City Police District Dir. Edgardo Tinio.
Nahaharap sa kasong serious neglect of duty, serious irregularity in the performance of duty at conduct unbecoming of an officer and a gentleman sina Tinio at Pagdilao dahil sa pagkakasangkot ng mga ito sa droga
Samantala, wala pa ring malinaw na ebidensya laban kay C/Supt. Bernardo Diaz na dating Regional Director ng Region 6.
Samantala, hindi na hurisdiksyon ng Napolcom sina retired General Marcelo Garbo at Vicente Loot na kasalukuyang alkalde ng Daang Bantayan, Cebu kung kaya hindi na sila kasama sa kanilang imbestigasyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.