Sa budget briefing ng House Appropriations Committee kung saan nakasalang ang panukalang pondo ng PCSO para sa 2017, kinumpirma ni PCSO Vice Chairman at General Manager Jose Ferdinand Rojas II na dalawang linggo nang hindi pumapasok sa opisina si Maliksi.
Pero may taong nagtungo raw sa PCSO at kinausap si Maliksi, dalawang linggo na ang nakalilipas.
Nabatid na ang tao ay chief-of-staff ng isang appointee ni Pangulong Rodrigo Duterte.
Sinabi ni Rojas na mula noon ay hindi raw raw nagpakita si Maliksi sa PCSO dahil na rin sa ‘delicadeza.’
At maging sa budget briefing sa kamara ngayong araw ay no-show si Maliksi, at sa halip mga kinatawan ng PCSO lamang ang dumalo.
Kinumpirma rin ni Rojas na ang buong board ng PCSO ay maghahain na ng courtesy resignation sa Presidente, alinsunod sa utos nito na bakantihin ang mga appoitive positions sa gobyerno.
Sa kabila nito, siniguro ni Rojas na hindi maapektuhan ang operasyon sa PCSO.
Pagdating naman sa policy making, maaaring may kaunting pagbabago dahil mawawalan ng miyembro ang PCSO board, hanggang sa makapag-appoint ng mga bagong set ng board members.