Isang improvised explosive device (IED) ang natagpuan ng mga residente malapit sa isang paaralan sa Isabela City, Basilan Linggo ng umaga.
Nadiskubre ang IED sa malapit sa gate ng MS Bernardo Elementary School sa Barangay Dikki.
Ayon kay Explosive Ordinance Disposal Team head, Police Senior Inspector Serafin Jun Reyes isang uri ng ‘pipe bomb’ ang IEd na kinabitan ng cellphone na magsisilbi sanang triggering device,.
Kung sumabog, may kakayanan ang bomba na makapaminsala at makapatay sa mga inosenteng sibilyan na mapapadaan sa lugar.
Nagsasagawa na ng imbestigasyon ang mga otoridad upang matukoy ang grupo na nagtanim ng bomba sa lugar at ang posibleng motibo ng mga ito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.