Residential-commercial area sa JP Rizal, Makati, tinupok ng apoy
Nasunog ang dalawang palapag na residential-commercial building sa kanto ng Honradez Street at J.P. Rizal Avenue, Barangay Olympia, Makati City.
Nagsimula ang sunog alas 9:25 ng umaga at itinaas sa ikatlong alarma alas 9:27 ng umaga.
Tupok na tupok ang ikalawang palapag ng establisyimento habang nadamay din ang unang palapag na pinauupahan bilang tindahan.
Alas 9:53 ng umaga nang ideklarang under control na ang sunog at alas 10:51 ng umaga nang tuluyan itong maideklarang fire out.
Inaalam pa kung ano ang pinagmulan ng apoy at kung magkano ang halaga ng natupok na ari-arian.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.