Ilang dating mga dating DOF officials guilty sa tax credit scam
Hinatulan bilang guilty ng Sandiganbayan ang pitong dating mga opisyal ng Department of Finance dahil sa pagsasabwatan ng mga ito sa multi-million pesos Tax Credit Certificate scam.
Sa dalawang magkahiwalay na desisyon ng Sandiganbayan First at Fifth Divisions, napatunayan guilty sa multiple counts ng violations sa Anti-Graft and Corrupt Practices Act sina dating Deputy Executive Director Uldarico Andutan, Jr. at OIC-Garment Division Reviewer Miriam Tasarra.
Convicted din sa asunto sina Supervising Tax Specialist Raul De Vera, Senior Tax Specialist Rosanna Diala, Evaluators Gladys Olaño, Irene Magbojos at Lucila Cueto.
Hinatulan namang makulong mula anim hanggang sampung taon ang mga negosyanteng sina Mukesh Uttamchandani at Olivia Demetrio ng Precision Garments International (PGI); at Kuldip Singh ng J.K. Apparel Manufacturing, Inc. (JKAM) at United Apparel Manufacturing, Inc. (UAM).
Dahil sa nasabing scam ay nalugi ang pamahalaan ng P28,514,371.00 para sa taong 1997 hanggang 1998.
Nagsabwatan ang mga hinatulan para dayain ang ibinabayad na buwis ng nasabing mga negosyante.
Inilagay naman sa archive ang kaso ng isa pang kasama sa demanda na si dating Finance Undersecretary Antonio Beliceña dahil sa kanyang problema sa pag-iisip base sa naging pagsusuri ng National Center for Mental Health.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.