2, sugatan sa aksidente sa Sta. Mesa, Maynila
Sugutan ang dalawang katao matapos na salpukin ng isang L300 van ang isang motorsiklo sa kanto ng Araneta Ave. at Aurora Blvd. sa Sta. Mesa Maynila.
Naganap ang aksidente malapit lamang sa SM centerpoint.
Kinilala ng mga rumespondeng MMDA rescue ang mga sugatan na sakay ng motorsiklo na sina Rommel Actotobo at ang sakay nito na si Abigail Aguillon.
Sa lakas ng salpukan nayupi ang harapang bahagi ng L300 van samantalang napailalim ang motorsiklo.
Sa kwento ni Rey Viernes, 37-anyos at driver ng van, papatawid siya ng Araneta Ave. patungo ng San Juan, bigla umanong sumulpot ang motorsiklo na papatawid naman ng Aurora.
Nahulog ang babaeng angkas, habang nakalakad naman ang rider kasama ang kaniyang motor.
Habang hindi naman nasugatan ang driver ng van maging ang mga sakay nito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.