Stocks ng PhilWeb, umangat pa sa kabila ng non-renewal ng prangkisa
Umarangkada pa rin ang shares ng PhilWeb Corp. matapos alisin ng Philippine Stock Exchange ang trading suspension na ipinataw sa kumpanya.
Matatandaang hindi na pinayagan ng PAGCOR ang nasabing kumpanya na mag-renew at mag-extend ng lisensya para sa kanilang mga e-games outlet, at binitiwan na rin ng negosyanteng si Roberto Ongpin ang kaniyang controlling shares dito.
PhilWeb mismo ang humiling na suspendehin muna ang trading ng kanilang shares upang mabigyan ang publiko ng sapat na panahon para maintindihan ang mga plano ngayon sa kumpanya.
Pero nang mai-alis na ang suspension, nag-sara sa halos 50 percent sa P6.37 ang shares ng PhilWeb.
Ayon sa mga eksperto, pinapakita lang umano nito na sa kabila ng mga kinakaharap na suliranin ng kumpanya, hindi pa rin nawalan ng interes ang mga investors dito at nakitaan pa rin nila ito ng intrinsic value.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.