Indie film Maratabat, nanalo sa IndieFEST Film Awards sa US
Nanalo ng Award of Merit sa IndieFEST Film Awards sa California, USA ang Indie film na Maratabat (Pride and Honor) na directorial debut ng batikang direktor at mamamahayag na si Arlyn Dela Cruz.
Ang Competition Director ng IndieFEST Film Awards na si Rick Prickett ang nagpabatid kay Dela Cruz na nanalo ang Maratabat ng Award of Merit: Film Feature.
Ayon kay Prickett, pinagbatayan ng desisyon ng mga Judges ang quality, creativity at technical aspects ng bawat entry.
Ang award anya ay nagpapakita ng galing at panahon na iginugol ng team ni Dela Cruz para magawa ang naturang “Outstanding Production.”
Ang pagkapanalo sa IndiFEST Film Awards ang ikalawa ng parangal para sa naturang Indie film.
Unang itinanghal ang Maratabat na Best International Film for Full Length Feature sa 2016 The People’s Film Festival sa New York.
Unang ginawaran ng award ang Maratabat ng PMPC para sa Best Screenplay.
Unang ipinalabas ang Maratabat bilang bahagi ng limang finalist sa 2014 New Wave Section ng Metro Manila Film Festival.
Nanalo si Kristoffer King na Best Supporting Actor sa MMFF New Wave para sa Maratabat.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.