Inanunsyo ito ng PAGASA alas-11:00 ng gabi sa gitna ng patuloy na pagdudulot ng malakas na ulan ng hanging habagat sa bansa.
Bukod sa Metro Manila, itinaas ang yellow rainfall warning ang Tarlac, Pampanga, Bulacan, Cavite at Batangas.
Samantala, orange rainfall warning naman ang itinaas sa Zambales at Bataan na
nangangahulugang posibleng magdulot ng pagbaha ang malakas na ulan.
Inaasahan namang makakaranas ng mahina hanggang katamtamang lakas at manaka-nakang pag-ulan sa Nueve Ecija, Laguna, Rizal at Quezon naman na posibleng tumagal ng dalawa hanggang tatlong oras.