Apat na flights kanselado dahil sa sama ng panahon

Kanselado na ang apat na flights sa Ninoy Aquino International Airport (NAIA) dahil sa sama ng panahon.

Sa abiso ng Manila International Airport Authority (MIAA), kinansela ang flights 2P 2057 at 2058 ng PAL Express mula Manila to Caticlan at Caticlan to Manila.

Kanselado na rin ang biyahe ng Cebu Pacific na flight 5J 513 at 514 mula Manila to Occidental Mindoro at Occidental Mindoro to Manila.

Payo ng MIAA sa mga apektadong pasahero, agad makipag-ugnayan sa mga airline companies para mai-rebook ang kanilang flights.