Promosyon para kay Hidilyn Diaz inihahanda na ng AFP
Ikinakasa na ng Armed Forces of the Philippines (AFP) para mabigyan ng promosyon si Rio Olympics silver medalist Air Woman 2nd Class Hidilyn Diaz
Ayon kay AFP Spokesman B/Gen Restituto Padilla, may recommendation for meritorious promotion sila para kay Diaz matapos na makuha ang silver medal sa isinasagawang Rio Olympics sa Brazil.
Si Diaz ay miyembro ng Philippine Air Force Personnel Management Center at Philippine Sports Commission.
Dati ng nanalo si Diaz ng bronze medal sa 2015 World Weightlifting Championships at gold medal naman sa Asian games.
Noong 2015 ay nilagdaan ni Pangulong Noynoy Aquino ang Republic Act (RA) 10699 na kilala bilang National Athletes and Coaches Benefits and Incentives.
Nakapaloob sa nasabing batas na tatanggap ng P10 Million na gatimpala ang sinumang mananalo ng gintong medalya sa Olympics maliban pa sa medal of valor para sa larangan ng sports.
Aabot naman sa P5 Million ang naghihintay sa makakasungkit ng silver medal samantang P2 Billion para sa bronze.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.