Ayon kay Park spokesperson Winter Prosapio, nasawi ang bata nang mag-slide ito sa “Verruckt slide”.
Ang “Verruckt” na salitang German ay nangangahulugang “crazy” at ang slide na ito sa Kansas ay may taas na 169 ft at may bilis na 65 mph ang pag-slide dito.
Hindi inilabas ng pamunuan ng nasabing parke ang dahilan at kung paanong nasawi ang bata na kasama ang kaniyang magulang na namasyal sa park.
Nagsasagawa na ng imbestigasyon ang pulisya sa insidente.
Dahil sa pagkasawi ng bata, isinara pansamantala ang waterpark habang nagpapatuloy ang imbestigasyon.
Nagbukas ang “Verruckt slide” noong 2014 at katumbas ng taas nito ang labingpitong palapag na gusali.