Bilang ng kriminalidad sa Quezon City, bumaba

Patuloy ang pagbaba ng bilang ng krimen sa Quezon City.

Ito ay base sa ulat ni Quezon City Police District Police Chief Guillermo Eleazar sa ginanap na pagpupulong ng QC Anti-Drug Abuse Advisory Council.

Partikular na tinukoy ni Eleazar ang bumabang bilang ng car theft at carjacking incidents na mayroong apat na lamang na iniulat sa unang tatlong buwan ng 2016 kumpara sa labing isa na naitala sa kaparehong mga buwan noong 2014.

Una nang nabansagang “carnapping capital” ang Quezon City dahil sa dami ng bilang na napapaulat na pagnanakaw ng sasakyan simula noong taong 2000.