Niyanig ng 5.4 magnitude na lindol ang malaking bahagi ng General Santos City kaninang alas-singko otso ng hapon.
Sa paunang ulat mula sa Philippine Institute of Volcanologies and Seismology (Philvocs), may lalim na 74 kilometers ang sentro ng pagyanig na isang tectonic quake.
Naramdaman ang lakas ng lindol sa intensity 4 sa mga bayan ng Alabel at Malungon sa lalawigan ng Saranggani at General Santos City.
Intensity 3 naman sa bayan ng Polomolok sa South Cotabato.
Wala pang natatanggap na report ng mga sugatan o kaya’y mga napinsalang ari-arian ang National Disaster Risk Reduction and Management Council (NDRRMC)
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.