Duterte at Kerry nagkwentuhan tungkol sa kanilang mga hobbies
Motorsiklo at hunting ang ilan sa mga paksa na natalakay sa courtesy call ngayong hapon nina Pangulong Rodrigo Duterte at U.S Secretary of State John Kerry sa Palasyo ng Malacañang.
Ayon kay Presidential spokesman Ernesto Abella, ito ay dahil sa parehong mahilig ang pangulo at si Kerry sa motorsiklo at hunting.
Sinabi pa ni Abella na naikwento rin ni Kerry sa pangulo ang kanyang nakatatawang insidente patungkol sa motorsiklo.
Matatandaang matagal nang nakahiligan ni Pangulong Duterte ang paggamit ng motorsiklo o big bike.
Sa kanilang pulong kanina ay muling binigyan-diin ng U.S official ang suporta sa bansa partikular na sa isyu sa West Philippine Sea.
Napag-usapan rin nina Duterte at Kerry ang usapin sa climate change, Enhanced Defense Cooperation Agreement (EDCA), terorismo at negosyo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.