Nabigyan na ang ilang senador ng kanilang pamumunuang komite sa Senado habang ang iba ay nagpapatuloy pa ang negosasyon.
Hahawakan ni Senator Gringo Honasan ang Senate Committee on National Defense habang ibinigay naman kay Senator Panfilo Lacson ang Senate committee on Public Order.
Ibinigay kay Senator Nancy Binay ang Senate Committee on Tourism habang ang Senate committee on Public Works ay kay Senator Manny Pacquiao.
Ang Senate Committee on Finance ay pamumunuan ni Senator Loren Legarda at ang Senate Committee on Local Government / Energy ay ibinigay kay Senator Sherwin Gatchalian.
Napili si Senator Grace Poe sa Senate Committee on Public Services habang si Senator Bam Aquino naman ang mamumuno sa Senate Committee on Education.
Si dating Senate President Franklin Drilon ang naatasan sa Senate Committee on Banks at si Senator Sonny Angara sa Senate Committee on Ways and Means at sa Senate Committee on Agriculture ay si Senator Kiko Pangilinan.
Ang Senate committee on health ay hahawakan ni Senator Risa Hontiveros habang Senate committee on Labor ay kay Senator Joel Villanueva
Ang Senate Committee on Justice ay kay Senator Leila de Lima samantalang hahawakan ni Sen. Dick Gordon ang Blue Ribbon Committee.
Nakahanda naman si Sen. Alan Peter Cayetano na hawakan ang Foreign Relations habang ang iba pa ay patuloy na pinag-aaralan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.