Anti-political dynasty bill tiniyak na uusad sa 17th Congress
Pabor si House Speaker Pantaleon Alvarez na maisabatas ang Anti-Political Dynasty bill.
Biro ni Alvarez, hindi naman siya tatamaan sakaling makapasa ang Anti-Political Dynasty bill dahil iisa lamang daw siyang politiko sa kanilang pamilya.
Pero giit ni Alvarez, panahon nang mabigyan ng malinaw na depenisyon ang salitang “political dynasty”.
Dagdag ng House Speaker, masyado nang sumisikip ang Pilipinas dahil sa mga pamilyang namamayagpag sa larangan ng politika sa bansa.
Higit sa lahat, hindi na aniya ‘healthy’ na naglalaban-laban ang mga magkaka-anak, na nagdudulot pa ng hidwaan.
Ayon sa Lider ng Kamara, kailangang ma-preserve ang magandang relasyon sa pagitan ng magkaka-pamilya, higit pa sa anumang interes sa kapangyarihan.
Ngayong 17th Congress, inihain ni dating House Speaker Feliciano Belmonte Jr ang House version ng Anti-Political Dyansty habang si Senate Pro Tempore Franklin Drilon naman ang may-akda ng bersyon sa Senado.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.