Walang tensyon sa SONA rally; NCRPO Chief Albayalde, nakihalubilo sa mga raliyista
Maliban sa hindi pagsasara sa Commonwealth Avenue, marami pang mga hindi pangkaraniwang kaganapan sa kauna-unahang State of the Nation Address ni Pangulong Rodrigo Duterte.
Ang mga pulis, walang bitbit na truncheons at shields, walang tulakan, tensyon at girian.
Kakaibang eksena ang nasaksihan sa pagitan ng mga raliyista at mga pulis ngayong araw.
Maliban kasi sa pinayagan ang mga raliyista na makarating sa IBP road at doon magsagawa ng programa, nakihalubilo pa sa kanila si National Capital Region Police Office (NCRPO) Chief Oscar Albayalde.
Nakiupo pa si Albayalde kasama ang mga raliyista at nakipagkwentuhan sa kanila.
Si Renato Reyes ng Bagong Alyansang Makabayan (BAYAN), binigyan pa ng taho si Quezon City Police District Dir. Guillermo Eleazar.
Relax at masaya din habang nagpoprograma ang mga raliyista sa bahagi ng IBP road.
Kahit nag-iingay at isinisigaw ang mga isyung kanilang isinusulong sa Duterte administration, hindi naman sila sinasaway ng mga pulis.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.