30 estudyante sa Butuan, nalason sa tsokolate

 

Isinugod sa ospital ang nasa 30 estudyante sa Butuan City of Arts and Trade dahil sa food poisoning.

Ayon sa isang guro, nakita niya ang mga Grade 8 students ng isang pangkat na kumakain ng mga tsokolate pasado tanghali ng Huwebes.

Makalipas ang dalawang oras, karamihan sa kanila ay sumakit ang tiyan, nahilo at nag-suka kaya binigyan muna nila ang mga ito ng paunang lunas para sa food poisoning bago isinugod sa ospital.

Nakalabas rin agad ang mga estudyante, ngunit naiwan ang dalawang medyo malala ang inabot na pagkakalason.

Napag-alaman na isa sa kanilang mmga kaklase ay namigay ng tsokolate mula sa Maynila na dalawang taon na palang expired.