Natagpuang patay ang isang South Korean national sa loob ng Ninoy International Airport Terminal 3, Huwebes ng gabi.
Ayon sa Manila International Airport Authority, nadiskubre ang wala nang buhay na biktima na si An San Kwan, 50-anyos na nakabigti sa loob ng isang cubicle sa comfort room ng airport exclusion room dakong alas 7:30 ng gabi.
Natagpuan umano ang bangkay ng biktima na nakaupo sa sahig ng cubicle habang nakapulupot sa leeg nito ang strap ng kanyang bag na itinali sa door hook ng pintuan.
Una rito, hindi pinayagang makapasok sa bansa ng immigration officials ang Koreano matapos itong dumating sa bansa mula Taipei lulan ng Cebu Pacific flight dakong alas 3:30 ng umaga, Huwebes.
Dahil dito, nanatili ito sa exclusion room ng NAIA.
Hindi pa malinaw kung ano ang dahilan kung bakit hindi pinayagang makapasok sa bansa ang Koreano.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.