Iginagalang ni Senador Grace Poe ang pahayag ni Senador Sergio Osmeña na mas magandang tumakbo muna siyang vice president sa 2016 elections kaysa tumakbo sa pinakamataas na puwesto sa bansa.
Pero ayon kay Poe, kahit ang mga beteranong lider ay may pagkakataon din na pumalpak lalo na kung ang intensyon nila ay hindi taos-pusong pagsisilbi sa bayan.
“I understand Sen. Serge’s sentiment. However, we have seen that even highly experienced leaders falter if they do not have the best intentions of the people at heart. I thank Sen. Serge for his continued trust in my character as a leader, even as he mentions the short time I have so far holding public office,” pahayag ni Poe.
Una rito, sinabi ni Osmeña na mas magandang maging Presidente si poe kung maninilbihan muna ito ng anim na taon sa pagiging Vice President. Pinasalamatan pa ni Poe si Osmeña dahil sa tiwalang ibinibigay nito kahit na dalawang taon pa lamang itong naninilbihan bilang senador./ Chona Yu