Patay sa bagyong Nepartak sa China, 69 na

Nag-iwan ng 69 na nasawi sa China ang Super Typhoon Nepartak.

Kahapon, umabot na sa mahigit kalahating milyon ang inilikas at nasa mahigit 8,000 ang nawasak na bahay.

Ang mga nasawing indibidwal ay pawang mula sa Fujian Province kung saan tumama ang bagyo.

Mayroon pang naitala na anim na nawawala.

Ang bagyong Nepartak na may local name na Butchoy dito sa Pilipinas ay nanalasa sa Taiwan at China.

Sa Taiwan, tatlo ang naitalang nasawi at nasa 15,000 ang inilikas.

Matapos itong maglandfall sa Fuijian Province ay humina ito bilang isang tropical storm na lamang pero marami na ang nasalanta.