Dating pulis, patay sa pagpalag umano sa mga kabaro sa QC
Patay ang dating pulis sa ginawang responde ng Quezon City Police District Station 3 sa Pantabangan st. cor. Agus Gate, NAPOCOR village, Brgy. Tandang Sora Quezon City kagabi.
Kinilala ni QCPD Station 3 Commander PSupt. Victor Pagulayan ang suspek na si PO3 Cesar Obligacion na nasawi matapos na manlaban sa mga pulis.
Ayon kay PSupt. Pagulayan, nakatanggap sila ng tawag na nakikipag-transaksyon ng bawal na gamot si Obligacion sa lugar, kaya agad silang nagsagawa ng operation sa lugar at naaktuhan nila ang suspek na nasawi. Habang nakatakas naman ang isa pang suspek na ka-transakyon nito.
Sabi pa ni Pagulayan na gun runner at pusher ang raket ng Obligacion, habang sangkot din ito sa pagpatay sa dalawang pulis sa Caloocan nung taong 2013.
Maliban sa kanyang motorsiklo nakuha din sa suspek ang .45 caliber na hawak pa ng suspek.
Ilang gramo din ng shabu ang nakuha sa bulsa ng suspek.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.