Mas maraming Chinese vessels nag-miron sa PH-US Balikatan
METRO MANILA, Philippines — Misteryo para sa Philippine Navy (PN) ang presensiya ng walong Chinese warships bukod sa Chinese aircraft carrier sa dagat na sakop ng Hilagang Luzon kasabay ng pagsasagawa ng Philippine-US Balikatan exercises.
Sinabi ni Philippine Navy spokesperson for West Philippine Sea Rear Adm. Roy Vincent Trinidad na nagsisilbing escorts ng aircraft carrier Shandong (CV-17) ang anim na People’s Liberation Army-Navy destroyers ar frigates.
May dalawa din na support vessel, na ang isa ay electronic surveillance ship, dinagdag pa ni Trinidad.
Unang namataan ang mga barkong pandigma ng China sa distansyang 100 nautical miles hilaga-kanluran ng Burgos, Ilocos Norte noong ika-22 ng Abril at halos pumasok na sa exclusive economic zone ng Pilipinas sa kanlurang bahagi ng Cagayan.
Ayon pa kay Trinidad hindi tumugon sa kanilang radio challenges ang mga barko ng China.
Inamin ng opisyal na hindi sila nakapagpadala ng mas malalaking barko dahil gamit sa taunang war drills.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.