Midterm elections ballot printing matatapos na – Comelec
METRO MANILA, Philippines — Inaasahan na anumang araw ay matatapos na ang paglilimbag ng 69 milyong balota na gagamitin sa halalan sa darating na ika-12 ng Mayo.
Ayon kay Commission on Elections Chairman George Erwin Garcia nitong Biyenres, tatlong milyong balota na lamang ang kailangan na malimbag at maaring mamayang gabi o bukas ng umaga ay tapos na ito.
Kasunod ito aniya ang pagberipika sa nalimbag na mga balota at maaring matapos ito hanggang sa susunod na buwan.
BASAHIN: Exemption ng bentahan ng NFA rice hiniling ng DA sa Comelec
Natigil pansamantala ang paglimbag sa mga balota base sa utos ng Korte Suprema noong ika- 12 ng Enero dahil sa pagdeklara ng Comelec ng ilang nuisance candidates, ngunit itinuloy ito makalipas ang dalawang linggo.
Ang paglimbag sa mga balota ay ginagawa ng National Printing Office at Miru Systems, ang election service provider ng Comelec.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.