Alice Guo sinampahan ng dagdag na reklamo sa DOJ
METRO MANILA, Philippines — May karagdagang reklamong falsification of public documents ang isinampa sa Department of Justice (DOJ) laban kay dating Bamban, Tarlac Mayor Alice Guo, o Guo Hua Ping.
Ang reklamo, ayon sa National Bureau of Investigation, ay may kaugnayan sa pagbili ni Guo ng ilang lupa sa Pangasinan.
Inireklamo din ng paglabag sa Anti-Graft and Corrupt Practices Act si Guo.
BASAHIN: Alice Guo nanindigan na ‘not guilty’ sa human trafficking case
Ipinaliwanag ni NBI spokesman Ferdinand Lavin na nang bilhin ni Guo ang mga lupa nagpakilala siyang Filipino, ngunit nadiskubre at napatunayan na siya ay si Guo Hua Ping, isang Chinese national.
Nagpakilalang Filipino si Guo sa tatlong deeds of sale na nadiskubre ng NBI.
Sa hiwalay na kaso ng paglabag sa Anti-Trafficking Act, kasama ni Guo sa mga kinasuhan ang 38 indibiduwal, kabilang ang pitong opisyal ng Philippine Amusement and Gaming Corp. (Pagcor).
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.