P350-P380 per kg MSRP sa baboy ipapatupad na sa Metro Manila
METRO MANILA, Philippines — Simula na sa Lunes, ika-10 Marso, ipapatupad na ng Department of Agriculture (DA) ang maximum suggested retail price (MSRP) sa karneng baboy sa Metro Manila.
Naniniwala ang DA na makakatulong ang hakbang na ito para mapanatiling stable ang industriya, ayon kay Agriculture Secretary Francis Tiu Laurel.
Aniya, hanggang sa kasalukuyan ay damang-dama pa rin ng industriya ang epekto ng African swine fever (ASF).
BASAHIN: Price cap sa karne ng baboy pinag-aaralan ng DA
Sa ipapatupad na MSRP. ang presyo ng kada kilo ng kasim at pige ay hanggang P350. Samantalang P380 naman sa liempo at hanggang P300 kada kilo lamang ang maitatakdang pinakamataas na presyo ng mga negosyante sa mga nagtitinda sa pamilihan.
Sinabi pa ng kalihim na ang desisyon na magtakda ng MSRP ay base sa mga pagkonsulta sa mga may interes sa industriya.
Layon nito na maibaba ang presyo ng karne base sa kasunduan sa mga negosyante.
Regular na magsasagawa ng pag-aaral sa pagtatakda ng MSRP para malaman kung epektibo ito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.