Patay na ng dalhin sa Pasay City General Hospital ang isang lalake na kilalang notorious na pusher at holdaper.
Ito ay matapos na pagbabarilin ng riding in tandem sa may bahagi ng northbound lane ng EDSA Rotonda, Pasay City.
Ayon Kay SPO3 Alexander Macarunay ng Pasay City police, habang nakatambay
ang biktima sa tapat ng isang parlor, lumapit ang dalawang riding in tandem sa biktima agad itong pinagbabaril.
Matapos ang pamamaril nag-iwan pa ng isang karton ang mga suspek na may nakasulat na “traydor ka, eh holdaper pusher ka rin, mga tulad mo susunod na rin.”
Apat na basyo ang nakuha sa lugar habang may tama rin ng mga bala ang parlor na pinagtambayan ng biktima, anim na beses naman nakarinig ng putok ng baril ang mga saksi.
Kinumpirma naman ng barangay 146 sa Pasay City na notorius na holdaper at pusher ang napatay na biktima.
Naisugod pa sa pagamutan ang lalake ngunit idineklara ring dead on arrival.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.