Mga senador hindi gigil sa VP Duterte impeachment trial – Ejercito
METRO MANILA, Philippines — Malamig ang mga senador sa pagdaraos ng special session para matalakay na ang impeachment trial ni President Sara Duterte, pahayag nitong Martes ni Senate Deputy Majority Leader JV Ejercito.
Kinatuwiran ni Ejercito na marami sa mga kasalukuyang senador ay mga reelectionist at kailangan nilang asikasuhin ang pangangampaniya nila.
Naniniwala ang senador na mas importante ang “political survival” ng mga kasamahan kaysa ang impeachment trial kayat hindi masisisi ang mga ito kung nakatuon ang kanilang panahon at atensyon sa pangangampaniya.
BASAHIN: VP Sara Duterte impeachment trial kasunod ng SONA – Escudero
Ang mga reelectionist sa Senado ay sina Sens. Francis Tolentino, Imee Marcos, Ramon Revilla Jr., Christopher Go, Ronald dela Rosa, Pia Cayetano, at Lito Lapid.
Samantala, apat naman sa kanila ang “graduating” o tapos na ang dalawang termino — o naka 12 na taon na ang mga ito. Ito ay sina Sens. Aquilino Pimentel III, Grace Poe, Cynthia Villar, at Nancy Binay.
Sinabi din ni Ejercito na susunod siya sa bilin ni Senate President Francis Escudero na huwag nang magbigay pa ng pahayag ukol sa gagawing impeachment trial.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.