‘Devil’s Curve’ babantayan ng pulis dahil sa ‘stunt‘ ng vlogger
METRO MANILA, Philippines — Magtatalaga ang Highway Patrol Group (HPG) ng Philippine National Police (PNP) ng mga karagdagang tauhan sa kahabaan ng Marilaque Highway sa Rizal Province matapos ang pagkamatay ng isang motovlogger.
Ayon kay Lt. Dhame Malang, ang tagapagsalita ng HPG, itatalaga tuwing araw ang mga karagdagang pulis gayundin tuwing mga araw ng Sabado at Linggo, kung kailan dagsaan ang motorcycle riders sa lugar.
Aniya ang mga karagdagang pulis ay magmumula sa kanilang mga unit sa Laguna, Cavite, at Quezon.
BASAHIN: DOH: 496 nasugatan sa mga aksidente sa mga kalsada nitong Kapaskuhan
Ang mga ito ay itatalaga sa Palo Alto sa bayan ng Tanay partikular n a sa tinatawag na “Devil’s Curve,” gayundin sa Palo Alto-Mount Masungi area.
Kamakailan ay nasawi ang motovlogger na si John Louie Arguelles dahil sa pagsasagawa ng “Superman stunt” kasama ang isang pang rider.
Apat na indibidwal pa ang nasaktan dahil sa insidente, na pang-13 ng aksidente sa Marilaque Highway simula noong ika-1 Enero.
Sa kabuuan ng nakaraang taon, nakapagtala ang HPG ng 158 na aksidente sa Marilaque Highway at marami sa mga ito ay nangyari sa Palo Alto.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.