Magpapatupad ng tapyas presyo sa produktong petrolyo ang ilang kumpanya ng langis bukas, araw ng Martes.
Sa advisory na inilabas ng Petron, Pilipinas Shell, Total at PTT Petroleum, bababa ang presyo ng gasolina sa P0.80 kada litro.
Ang bawas presyo ng Petron ay epektibo mamayang 12:01 ng hatinggabi habang ang Shell, Total at PTT ay magsisimula naman ng alas sais ng umaga bukas.
Wala namang abiso ang mga nabanggit na kumpanya sa paggalaw ng presyo ng diesel at kerosene.
Ang nasabing paggalaw ng presyo ay bunsod ng pagbaba ng oil price sa pandaigdigang merkado.
MOST READ
LATEST STORIES