Katamtaman hanggang malakas na pag-ulan ang mararanasan ngayon bisperas ng bagong taon sa ilang lalawigan sa Luzon, Visayas, at Mindanao.
Base sa inilabas na Weather Advisory No. 58 kaninang alas singko ng umaga, ang mga pag-ulan ay epekto ng shear line at intertropical convergence zone.
Ayon sa Pagasa, posibleng makaranas ng malakas na pag-ulan sa Cagayan, Apayao, Isabela, Aurora, Quezon, Camarines Norte, Palawan, Sorsogon, Northern Samar, Samar, Eastern Samar, Biliran, Leyte, Southern Leyte, Zamboanga del Norte, Negros Oriental, Siquijor, at Dinagat Islands.
Bukas patuloy na magiging maulan sa Eastern Samar, Dinagat Islands, at Surigao del Norte.
Babala pa ng Pagasa, maaaring magdulot ng biglaang pagbaha at pagguho ng lupa ang mga pag-ulan.
Magiging maulap naman sa Metro Manila na may kalat-kalat na pag-ulan.
Posibleng maging makulimlim naman na may pag-ulan sa natitirang mga bahagi ng bansa.
