Hindi nakatitiyak si Senate Deputy Majority Leader JV Ejercito na may sapat pang panahon ang Kongreso para talakayin ang impeachment complaint laban kay kay Vice President Sara Duterte.
Ayon sa senador, hanggang Disyembre 20 na lang ang sesyon bago ang Christmas break at magbabalik ang mga mambabatas sa Enero 13.
Muling sususpindihin ang sesyon sa Pebrero upang magbigay daan sa midterm elections sa Mayo.
Umaasa si Ejercito na matutuldukan na ang mga awayang-pulitikal dahil hindi raw ito nakatutulong sa bansa.
Sabi pa nito na sa ngayon ay ayaw niya pagtuunan ang mga bangayan dahil nais niyang magtrabaho bilang mambabatas.
At sa halip ay hihintayin na lamang niya ang kahihinatnan ng impeachment complaint laban kay Duterte sa Kamara.