METRO MANILA, Philippines —Sa ikalawang sunod na taon, kinilala ng Governance Commision for Government-Owned and Controlled Corporations (GCG) ang Philippine Charity Sweepstakes Office (PCSO) bilang isa sa mga Best Government Owned and Controlled Corporations (GOCCs).
Ngayon 2024, dalawang natatanging pagkilala ang iginawad sa PCSO matapos mapabilang sa top ranking sa 2023 Performance Scorecard at ang pagkakakuha muli ng “perfect score” sa Stakeholder Relationship Section ng Corporate Governance Scorecard para sa mga taong 2021-2023.
Nitong nakaraang 2023, kinilala na ng CGC ang PCSO bilang “Most Improved GOCC” matapos makakuha ng 92.03% scorecard rating.
BASAHIN: PCSO nakapagtala ng record P265M lotto sales sa isang araw
Ang mga parangal ay tinanggap ng mga opisyal ng ahensiya sa pangunguna nina PCSO General Manager Mel Robles sa ginanap na GCG Awards ceremony noong ika-25. ng Nobyembre 25 sa Philipppine International Convention Center sa Maynila.
Sa kanyang mensahe, sinabi ni Robles na ang pagkilala ay nagsisilbing patotoo sa dedikasyon at pagsusumikap ng mga opisyal at tauhan ng PCSO sa pagbibigay serbisyo alinsunod sa isinusulong ni Pangulong Ferdinand Marcos Jr. na “Bagong Pilipinas.”
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.