Bawas-presyo sa mga produktong petrolyo bukas, Setyembre 17
METRO MANILA, Philippines — Magpapatuloy bukas ng Martes, ika-17 ng Setyembre, ang pagbaba ng presyo ng mga produktong-petrolyo.
Sa magkakahiwalay na anunsiyo ng mga kumpanya langis, P1 ang mababawas sa halaga ng kada litro ng gasolina, samantalang P1.3o naman sa bawat litro ng krudo.
Ang halaga ng kada litro ng kerosene ay P1.65 ang mababawas.
BASAHIN: Mas mura ang kuryente mula sa nuclear energy – JV Ejercito
Ang paggalaw sa presyo ng mga produktong-petrolyo ay bunga ng paghina ng pangangailangan sa langis at sobrang produksyon nito.
Noong nakaraang ika-10 ng Setyembre, nabawasan na ang presyo ng gasolina ng P1.55, P1.30 sa krudo, at P1.40 sa gaas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.