SAF commando, 5 na suspek patay sa shootout sa Cotabato
METRO MANILA, Philippines — Nasawî ang isáng commando ng Special Action Force (SAF) ng Philippine National Police (PNP), isang sinasabing criminal gang leader, at apat sa kanyáng mga tauhan sa isáng shootout na nagyari nitóng 9 a.m. ng Huwebes sa Aleosan, Cotabato.
May anim pang mga pulís, kabilang ang dalawáng opisyal, ang nasugatan, ayon kay Capt. Jennifer Amotan, ang hepe Aleosan Municipal Police Station.
Aniya, isisilbí sa isang Macabuat Salik, alias Iskoh, ang mga search warrant para sa illegal possession of firearms at illegal possession of drugs sa bahay ng suspek sa Barangay New Panay nang naganáp ang barilan.
BASAHIN: 3 pulis patay sa shootout vs crime group sa Samar
Biglâ na lamang pinaputukán ang mga pulis at tumagál ng kalahating oras ang pagpapalitan ng mga putók.
Nasawí si Cpl. Jed Michael Gregorio ng SAF, samantalang hindí na umabot ng buháy sa ospital si Salik at apat sa kanyang sugatan tauhan.
Nakuha sa bahay ni Salik ang iláng mga baríl, mga pampasabog, at hinihinalang shabu.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.