Anim na flights kanselado dahil sa bagyong Butchoy

Dahil sa sama ng panahon na dulot ng Habagat na pinalalakas ng bagyong Butchoy, kanselado na ngayong araw, July 8 ang anim na flights sa Ninoy Aquino International Airport (NAIA).

Kabilang dito ang dalawang international flights at apat na domestic flights.

Sa abiso ng Manila Internationa Airport Authorities (MIAA) kanselado ang flights CI 711 at 712 Manila-Kaohsiung (Taiwan)- Manila ng China Airlines.

Gayundin ang flights 2P 2084 at 2085 Manila-Basco-Manila ng PAL Express.

Kanselado din ang flights M8 816 at 817 Manila-Basco-Manila ng Skyjet.

Ang mga apektadong pasahero ay maaring magpaarebook sa susunod na magiging availabe na flight.