PAOCC hihingî ng court order para buksán 53 na POGO hub vault
METRO MANILA, Philippines — Hihilingín ng Presidential Anti-Organized Crime Commission (PAOCC) sa korte na payagan nitóng buksán ang kinumpiskang 53 na vault sa sinalakay na illegal Philippine offshore gaming operator (POGO) hub sa Porac, Pampanga.
Pinaliwanág ni PAOCC spokesman Winston Casio na kailangan din nila ang presensiya ng kinatawan ng Anti-Money Laundering Council (AMLC) sa pagbubukás ng mga vault.
Sinabi rin ni Casio na hihingí din silá ng warrant sa korte para masurì ng Criminal Investigation and Detection Group ang mga kinumpiskáng mga computer at laptop mulâ sa sinalakay na POGO hub.
BASAHIN: Lapid nais maimbestigahán ang sinalakay na POGO hub sa Porac
BASAHIN: Revilla, Estrada naalarma sa China PLA uniforms sa POGO hub
Paniwalà ang awtoridad na naglalamán ang mga ito ng mga ebidensya na magagamit sa pagsasampá ng mga kaso.
Nabatíd ng Radyo Inquirer na mayroóng 12 na persons of interest ang PAOCC kaugnáy sa isinagawáng operasyón.
Itóng Martés, maghahain na ang PAOCC sa Department of Justice (DOJ) ng mga kasong kidnapping at serious illegal detention sa iláng mga indibiduwal.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.