Umuwíng 21 seafarers may tig-P150,000 kay Romualdez, misis
METRO MANILA, Philippines — Tumanggáp ng P150,000 bawat isa sa mga 21 Filipino seafarers na umuwi ng Pilipinas matapos makaranas ng pag-atake ng Houthi rebels sa Red Sea.
Ang tulong pinansiyál ay mulâ kiná House Speaker Martin Romualdez at sa kanyang maybahay, Tingog Party-list Rep. Yedda Marie Romualdez.
Nabatíd ng Radyo Inquirer na ang kabuuaág P3.15 milyon na ibinigáy sa mga marino ay mulâ sa personal calamity funds ng mag-asawang Romualdez.
BASAHIN: 3 nasawíng OFW sa Kuwait , 21 nailigtás na seafarer parating
BASAHIN: 2 Pinoy seamen patay, 3 sugatan sa pag-atake ng Houthi rebels sa Yemen
Ang tulong ay personál na iniabót ni Tingog Party-list Rep. Jude Acidre sa pagdating ng 21 marino sa NAIA Terminal 3 ngayóng Lunes.
Kabilang ang 21 sa mga tripulante ng MV Tutor na nagíng target ng missile at drone attacks ng Houthi rebels noong nakaraáng ika-12 ng Hunyo.´
Bukód sa bigáy ng mga Romualdez, tumanggáp din ang mga seafarer ng iba ayuda:
- P50,000 mulâ sa DMW
- P10,000 mulâ sa Overseas Workers Welfare Administration
- P20,000 mulâ sa Department of Social Welfare and Development
At bago pa sila bumiyahe pauwî mulâ sa Bahrain, nakatanggáp din silá ng tig 192 Bahraini dinars — o P30,000.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.